Um Hótel Tindastól

Hótel Tindastóll

- Notalegt hótel i fögru umhverfi -

Okkur er sönn ánægja að bjóða ykkur velkomin á elsta starfandi hótel á Íslandi (hóf rekstur árið 1884). Hið sögufræga þriggja stjörnu hótel Tindastóll er þægilega staðsett í grennd við miðbæ Sauðárkróks.  Hótelið býður upp á notalegt og persónulegt umhverfi þar sem andi liðinna tíma svífur yfir vötnum. Við bjóðum gestum okkar upp á rómantíska afslöppun í eins konar „tímalausri“ dvöl í klassískri byggingu þar sem sagan kallast á við nútímann.

Á hótelinu eru öll þau þægindi og aðstaða sem vænta má í nútíma samfélagi og er það einnig heppilega staðsett með tilliti til afþreyingar og helstu ævintýraferða sem standa ferðafólki til boða á norðanverðu landinu.

Á jarðhæð er Jarlsstofa, sem þekkt er fyrir klassískan og sérstæðan byggingarstíl fyrri tíma. Hún er eins konar miðpunktur hótelsins og gegnir mörgum mikilvægum hlutverkum. Þannig sameinar Jarlsstofa í einni vistarveru setustofu, bar og morgunverðarstofu. Stofan hentar líka einkar vel fyrir fundi og smærri veislur. Stofuveggir eru gerðir úr brimsorfnum fjörusteinum og þykkir loftbitarnir bera vitni um aldur byggingarinnar þar sem ekkert hefur verið til sparað á sínum tíma. Í Jarlsstofu eru varðveittar upprunalegar aðaldyr hótelsins, gamli arininn og fjölmargir gripir og myndir sem tengjast sögu þessa merka húss.

Í bakgarði hótelsins er að finna  frumlega hannaðan heitan pott. Potturinn er hlaðinn úr sérvöldu sjárvargrjóti sem fengið var út fjörum Skagafjarðar.  Vatnið í pottinum er um 39°C og veitir hann gestum okkar fullkomna hvíld eftir annasaman dag um ævintýraheima Norðurlands.

Sagan

Hótel Tindastóll er elsta starfandi hótel landsins, en starfsemi hófst í húsinu á núverandi stað árið 1884. Húsið er eitt af tuttugu elstu timburhúsum landsins og með þeim síðustu sem endurbyggð eru að fullu.

Húsið kom tilsniðið frá Noregi til Íslands og var þá talið vera komið eitthvað til ára sinna. Upphaflega var húsið reist sem verslunarhús á Hofsósi á árunum 1820-1829. Húsið stóð þar þó ekki lengi; það var tekið niður árið 1835 og endurreist sama ár á Grafarósi, rétt sunnan við Hofsós. Árið 1884 var húsið síðan tekið niður eina ferðina enn, fleytt yfir fjörðinn til Sauðárkróks og reist sem hótel á núverandi stað. Á þessum árum var mikil eftirspurn eftir gistingu í bænum þar sem Sauðárkrókshöfn var helsta útflutningshöfn vesturfaranna fyrir Norðvesturhluta landsins. Náttúrulækningafélag Íslands var stofnað í húsinu árið 1937.

Hótel Tindastóll var starfræktur sem hótel til ársins 1969 en var þá kominn í mikla niðurníðslu. Í september 1998 voru hafnar umfangsmiklar viðgerðir og endurbætur á húsinu sem lauk í febrúar árið 2000. Hótelrekstur hófst síðan á ný 1. apríl sama ár með opnun þriggja stjörnu hótels í þessu gamla fallega húsi. 

Eigendasaga

1833    M. Chr. Nisson                                             Hofsós till 1845          verslunarhúsnæði og íbúð
1842    Guðmannsfeðgar                                        Grafarós till 1884     verslunarhúsnæði og íbúð
1850    Brödrene Jacobsen            
1860    Henderson & Co
1869    Borðeyrarfélagið
1884    Halldór Stefánsson, from Víðimýri                 Sauðárkrókur 1884    Hótel og íbúð
            Ástríður Sigurðardóttir
1889    Sigvaldi Benediktsson Blöndal, from Hvammur in Vatnsdal
            Ingunn Elín Jónsdóttir
1893    Christian Hansen from Sauðá
            Björg Jóhannesdóttir from Garður in Hegranes
1895    Pétur Pétursson from Gunnsteinsstaðir in Langidalur
            Anna Guðrún Magnúsdóttir from Holt in Svínadalur
1908    Jóhannes Jóhannesson Norðfjörð
            Ása Jónsdóttir
1914    Árni Daníelsson from Sjávarborg
            Heiðbjört Björnsdóttir
1918    Gísli Guðmundsson from Skíðastaðir in Laxárdalur on Skagi, along with his sister Ingibjörgu Guðmundsdóttur
1937    Jón Björnsson from Heiði in Gönguskörð    
            Finney Reginbaldsdóttir
1942    Kristófer Pétur Eggertsson from Gottorp in Húnavatncounty
            Oddfríður Ingibjörg Ingólfsdóttir
1945    Pétur Helgason from Tunga in Reykjavík
            Ingibjörg Jónsdóttir
1969    Ari Jónsson
            Jóhanna Pétursdóttir
1998    Pétur Einarsson from Reykjavík
            Svanfríður Ingvadóttir from Akureyri
2001    Steina Margrét Finnsdóttir frá Sauðárkróki,    Sorin Marian Lazar from Bucharest.
            Finnur Þór Friðriksson, Rúna Birna Finnsdóttir, Jóhanna Björnsdóttir, 
            Haraldur Friðriksson og Andreas Jersabeck from Austria.
2005    Ágúst Andrésson from Bergsstaðir, Sauðárkrókur
            Guðbjörg Ragnarsdóttir
            Svavar Ólafsson
            Þorkatla Valdimarsdóttir.
2007    Ágúst Andrésson from Bergsstaðir close to Sauðárkrók
            Guðbjörg Ragnarsdóttir
2012    Tómas Árdal from Akureyri
            Selma Hjörvarsdóttir